හදිසි රෝගී තත්ත්වයක් හේතුවෙන් ඉකුත් 23 වන දා පස්වරුවේ රෝහල්ගත කෙරුණු ශ්‍රී ලංකා වෛද්‍ය සභාවේ සභාපති මහාචාර්්‍යය කාලෝ ෆොන්සේකා මහතා වෛද්‍ය පරීක්ෂණ කිහිපයකට භාජනය කර ඇති බව රෝහල් ආරංචි මාර්ග වාර්තා කරයි.
මාධ්‍ය කළ විමසීමකදී කොළඹ ජාතික රෝහලේ අධ්‍යක්ෂ වෛද්‍ය අනිල් ජයසිංහ මහතා පවසා සිටියේ ඒ වන විට (24 දා) මහාචාර්්‍යය කාලෝ ෆොන්සේකා හෘද රෝග සත්කාර ඒකකයේ ප්‍රතිකාර ගන්නා අතර වෛද්‍ය පර්යේෂණ කිහිපයකටද බදුන් කළ බවයි.
ඉකුත් දිනවල මාලඹේ පෞද්ගලික වෛද්‍ය විද්‍යාලය සම්බන්ධයෙන් පැනනැගි ගැටළුකාරී තත්ත්වය හේතුවෙන් ඔහු වෙත මාධ්‍ය සහ ඊට සම්බන්ධ විවිධ පාර්ශවයන්හි අවධානය මහාචාර්්‍යය කාලෝ ෆොන්සේකා වෙත එල්ල විය. සයිටම් හි සිසුනට වෛද්‍ය සභාවේ ලියාපදිංචිය සදහා අවසර ලබා දෙන ලෙස අභියාචනාධිකරණය දුන් තීන්දුවත් සමග කාලෝ ෆොන්සේකා මහතා හට විවිධ පාර්ශව වෙතින් දැඩි බලපෑම් එල්ලවී ඇත.
උද්ඝෝෂණ හා වැඩවර්ජන හමුවේ සයිටම් ගැටළුව තවදුරටත් උත්සන්න වෙත්දී අධිකරණය දුන් තීන්දුව සම්බන්ධයෙන් තම ස්ථාවරය මාධ්‍ය හමුවේ ප්‍රකාශ කර සිටීමට ශ්‍රී ලංකා වෛද්‍ය සභාවට සිදු විය. එහිදී එහි සභාපතිවරයා වන මාහාචාර්්‍යය කාලෝ ෆොන්සේකා මහතා සිය අදහස් මාධ්‍ය වෙත පළ කරන ලද්මෙදේ ලෙසිනි.
“රෝගීන්ගේ සුභ සිද්ධිය උදෙසා ඇපැල් උසාවිය ජනවාරි 31 වන දා ලබා දුන් තීන්දුව ප්‍රත්ක්හේප කරනවා.ප්‍රමිතිය රැකගැනීමට මේ වෛද්‍ය සභාව ඇපකැප වී සිටිනවා. ඒක අගලකින්වත් අපි වෙනස් කරන්නෙ නැහැ.”
මාධ්‍ය හමුවක දී මේ පිළිබද අදහස් පළ කළ ලක්ෂ්මන් කිරිඇල්ල අමාත්‍යවරයා පවසා සිටියේ අධිකරණ තීන්දුව ක්‍රියාත්මක නොකර දැඩි බලපෑම් එල්ල කිරීම අඛණ්ඩව සිදු කරන්නේ නම් ඉදිරියේදී වෛද්‍ය සභාවේ සියලු දෙනා අධිකරණයට අපහාස කිරීම යන චෝදනාව යටතේ අභියාචනාධිකරණය හමුවට පමුණුවන බවයි.
මාහාචාර්්‍ය කාලෝ ෆොන්සේකා ට පෙර ශ්‍රී ලංකා වෛද්‍ය සභාවේ සභාපති ධූරයේ කටයුතු කළ මහාචාර්්‍යය ලලිතා මෙන්ඩිස් මහත්මියද සිය ධූරයෙන් ඉල්ලා අස් වෙන්නේ පෞද්ගලික වෛද්‍ය විද්‍යාල පිහිටුවීම සම්බන්ධයෙන් සිදු කළ බලපෑම් හමුවේ ඇති වූ දැඩි මානසික පීඩන තත්ත්වයක් හේතුවෙනි.
