හිටපු ජනාධිපති මහින්ද රාජපක්ෂ මහතා ඊයේ (මාර්තු 24) බරපතල වංචා විමර්ෂණ ජනාධිපති කොමිසම ඉදිරියේ සාක්ෂි දීම සදහා පෙනී සිටියේය.
ඉකුත් සතියේද ඒ මහතා මේ වෙනුවෙන් පෙනී සිටීමට නියමිතව තිබුණද නොවැළක්විය හැකි කරුණක් හේතුවෙන් එදින තමාට පෙනී සිටිය නොහැකි බව ඒ මහතා නීතිඥයෙක් මාර්ගයෙන් දන්වා තිබුණි.
පසුගිය ජනාධිපතිවරණ සමයේ ශ්‍රී ලංකා රෑපවාහීනී සංස්ථාවේ පලකරන ලද දැන්වීම් වෙනුවෙන් අයවිය යුතු රැපියල් මිලියන ගණනක මුදල් නොගෙවීම සම්බන්ධයෙන් ප්‍රශ්න කිරීම සදහා ඒ මහතා කොමිසම වෙත පැමිණියේය.
මෙහිදී අදාළ සිදුවීම සම්බන්ධයෙන් විනාඩි 45කට ආසන්න කාලයක් හිටපු ජනාධිපතිවරයාගෙන් ප්‍රශ්න කරන ලදී. මෙම අවස්ථාවට ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රීවරු පිරිසක්ද සහභාගී වූහ
