හබරණ පුවක්පිටිය ප්රෙද්ශයේදී කොළඹ ත්රීකුණාමලය රාත්රී තැපැල් දුම්රියේ ගැටීමෙන් වන අලියකු තුවාල ලබා ඇති බව රිටිගල වනජීවී නිලධාරීහු පවසති.
ඊයේ (03) රාත්රියේ මෙම වන අලියා දුම්රිය මාර්ගය හරහා මාරුවීමට ගිය අවස්ථාවේ ත්රිකුණාමලය සිට කොළඹ බලා ධාවනය වෙමින් තිබූ රාත්රී තැපැල් දුම්රියේ ගැටීමෙන් එම වන අලියා අනතුරට පත්ව තිබේ.
කොළඹ – ත්රිකුණාමලය දුම්රිය මාර්ගයේ 128 ½ සැතපුම ආසන්නයේ දී එම වන අලියා මෙලෙස අනතුරට තිබේ.
රාත්රී තැපැල් දුම්රියේ ගැටිමෙන් මෙලෙස අනතුරට පත්ව ඇත්තේ වයස අවුරුදු 20ක් පමණ වන කෙනරකි. දුම්රියේ ගැටුන කෙනර තුවාල ලබා එම දුම්රිය මාර්ගය ආසන්නයේ වැටී සිටි.
රිටිගල වනසත්ව අඩවි ආරක්ෂක කාර්යාලය මඟින් සිදුකළ දැනුම් දීමක් අනුව අනුරාධපුර පණ්ඩුලගම වනසත්ව සෞඛ්ය කලමණාකරණ ඒකකයේ පශුවෛද්ය නිලධාරීන් විසින් අනතුරටපත් කෙනෙරට ප්රතිකාර කිරීමට නියමිත බව රිටිගල වනසත්ව අඩවි ආරක්ෂක කාර්යාලයේ ප්රකාශකයකු අප කළ විමසීමකදී පැවැසීය.
කැකිරාව – කුෂාන් ජයවර්ධන
