අධිකරණ නියෝගයක් කඩකරමින් පෑලියගොඩ මැනිං වෙළෙඳපොළේ විරෝධතාවයක නිරත වූ පිරිසක් අද (26) අත්අඩංගුවට ගෙන තිබෙනවා.
මැනිං වෙළෙඳපොළේ කඩ කාමර බාහිර පාර්ශව වෙත ලබාදීමට එරෙහිව ඔවුන් මෙම විරෝධතාව සංවිධානය කර තිබූ බවයි මැනිං පොදු වෙළඳ සංගමයේ සභාපති එච්.එම්. උපසේන සඳහන් කළේ.
පෑලියගොඩ මැනිං වෙළෙඳපොළේ අද පැවැත්වෙන උද්ඝෝෂණය වළක්වාළමින් ඊයේ (25) අධිකරණය විසින් නියෝග කර තිබූ අතර ඔවුන් එය නොතකමින් විරෝධතාවයේ නිරත වුණා.
පසුව පොලීසිය විසින් විරෝධතාවයේ නිරත වූ මැනිං පොදු වෙළඳ සංගමයේ සභාපතිවරයා ඇතුළු 12 ක් අත්අඩංගුවට ගෙන තිබෙනවා.
