ඩයනා ගමගේ රාජ්ය අමාත්යවරියගේ පාර්ලිමේන්තු මන්ත්රී ධූරය බලරහිත කිරීමේ නියෝගයක් නිකුත් කරන ලෙස ඉල්ලා ගොනුකළ රීට් පෙත්සම යළි විභාගයට ගැනීමට අභියාචනාධිකරණය දින නියම කර තිබෙනවා.
ඒ අනුව පෙත්සමේ තීන්දුව අද (25) අභියාචනාධිකරණ විනිසුරු මඩුල්ල විසින් ප්රකාශයට පත් කිරීමට නියමිතව තිබූ අතර එහිදී සභාපති විනිසුරු නිශ්ශංක බන්දුල කරුණාරත්න සඳහන් කළේ, තමා සහ විනිසුරු මරික්කාර් අතර බෙදුණු නඩු තීන්දුවක් පවතින බවයි.
මේ හේතුවෙන් එම නඩුව පූර්ණ විනිසුරු මඩුල්ලක් හමුවේ යළි විභාගයට ගන්නා ලෙස නියෝග කර ඇති අතර පෙත්සම් විභාගය සැප්තැම්බර් මස 14 වන දින සිදු කිරීමට නියෝග කර තිබෙනවා.
