මේ වන විට රට තුළ පිළිකා රෝගීන් වාර්තා වීමේ වර්ධනයක් දක්නට ලැබෙන බව ජාතික පිළිකා මර්දන වැඩසටහන පවසනවා.
ශ්රී ලංකාවේ දෙවැනියට වැඩියෙන් මරණ සිදුවන්නේ පිළිකා රෝගයෙන් බවයි එහි අධ්යක්ෂ ප්රජා දන්ත විශේෂඥ ඉෂානී ප්රනාන්දු සඳහන් කළේ.
ඒ අනුව 2019 වසරේ පුද්ගලයින් 15,599 ක් මිය ගොස් ඇති අතර 2020 වසරේ නව පිළිකා රෝගීන් 37,649 ක් හඳුනාගෙන ඇති බවයි ඇය පෙන්වා දෙන්නේ.
මුඛ පිළිකා පිරිමින් අතර තිබෙන ප්රධානතම පිළිකා වර්ගය බවත් රට තුළ මීට වඩා දුම්කොළවලට විරුද්ධව වැඩ කටයුතු කළ යුතු බවයි ප්රජා දන්ත විශේෂඥ ඉෂානී ප්රනාන්දු වැඩිදුරටත් සඳහන් කළේ.
