දේශීය කුකුළු මස් කිලෝවක මිල රුපියල් 100කින් අඩු කිරීමට දේශීය කුකුළු මස් නිෂ්පාදන කර්මාන්තකරුවන් එකඟතාව පළ කර තිබෙනවා.
ඒ අනුව කෘෂිකර්ම අමාත්ය මහින්ද අමරවීර සමඟ ප්රධාන කුකුළු මස් නිෂ්පාදනකරුවන් ඊයේ (01) පැවති සාකච්ඡාවේදී මෙම එකඟතාව පළ කර ඇති බවයි කෘෂිකර්ම අමාත්යාංශය සඳහන් කළේ.
ආනයනික බඩඉරිඟු කිලෝග්රෑමයක් සඳහා පනවා ඇති රුපියල් 75ක ආනයනික බද්ද මෙලෙස මස් මිල ඉහළ යාමට හේතුවී ඇති බවත් එය රුපියල් 25ක් දක්වා අඩු කරදෙන ලෙසයි අදාළ ව්යාපාරිකයින් අමාත්යවරයාගෙන් ඉල්ලා සිට තිබෙනවා.
මේ සම්බන්ධව ජනාධිපතිවරයා දැනුම්වත් කිරීමට පියවර ගන්නා බවයි එහිදී කෘෂිකර්ම අමාත්ය මහින්ද අමරවීර වැඩිදුරටත් සඳහන් කළේ.
