හෙළයේ විචිත්රවත් කලා මංගල්යය ලෙසින් සැලකෙන මහනුවර ශ්රී දළඳා සමිඳුන් උදෙසා වාර්ෂිකව පැවැත්වෙන ඇසළ පෙරහර පෞරාණික චාරිත්ර ගරු කරමින්, විචිත්රවත් ලෙස පවත්වා අවසන් කළ බව සැල කෙරෙන ඇසළ පෙරහර සංදේශය දියවඩන නිළමේ ප්රදීප් නිලංග දෑල විසින් ඊයේ (31) පස්වරුවේ මහනුවර ජනාධිපති මන්දිරයේ දී ජනාධිපති රනිල් වික්රමසිංහ වෙත භාරදී තිබෙනවා.
පෙරහරින් ජනාධිපති මන්දිරය වෙත පැමිණි ශ්රී දළදා මාලිගාවේ දියවඩන නිලමේ ප්රදීප් නිලංග දෑල ඇතුළු සතර මහා දේවාලවල සහ පිටිසර දේවාලවල නිලමේවරුන් මහනුවර ජනාධිපති මන්දිරයේ ප්රධාන දොරටුව අභියසදී ජනාධිපතිවරයා විසින් පිළිගෙන ඇති බවයි ජනාධිපති මාධ්ය අංශය සඳහන් කළේ.
අනතුරුව දියවඩන නිලමේවරයා සාම්ප්රදායානුකූලව සංදේශය ජනාධිපතිවරයා වෙත පිළිගන්වා තිබෙනවා.
මේ සම්බන්ධයෙන් නිකුත් කළ නිවේදනය පහතින්.
